भोजपुर सेवा समाज बेलायतले मिती गत मार्च १३ तारिखका दिन समितिका अध्यक्ष भुपु मेजर श्री हर्कराज राई MVO ज्युको अध्यक्षतामा समितीको नियमित बैठक बिभिन्न बिषयहरु माथि वृहत छलफल र निर्णयका साथ सम्पन्न गरेकोछ । भोजपुर जिल्लाबाट बेलायतमा आई बसोबास गर्नु हुने सम्पूर्ण भोजपुर बासीहरुलाई एउटै छानो मुनी गोल्बन्द गराई भाईचारा सम्बन्ध सुमधुर र प्रगाड राखी सर-सहयोग र सेवा प्रदान गर्नको लागि भोजपुर सेवा समाजको गठन गरिएको हो ।
लण्डनको नर्थहल्ट ब्रिटिश लिऐजन क्लबमा आयोजना गरिएको बैठकले आगामी जुलाई २४ तारिख २०१० शनिबारको दिन प्रथम अधिबेशन सम्पन्न गर्ने निधो गरेकोछ । अधिबेशन बिभिन्न मनोरन्जनका साथ सम्पन्न हुने छ । स्थानको लागी लन्डन वा आस्फोर्ड केन्ट दुई मध्दे एक स्थानमा टुंगो गरि पूर्ण बिबरण सहितको सूचना प्रकासित गर्ने निर्णय गरेको छ ।
१८ अगस्त २००८ मा तदर्थ समितिका सँयोजक भुपु क्याप्टेन श्री सुमन राई ज्युको सँयोजकत्वमा सम्पन्न पहिलो भेलाले गठित यस समितिको दुई बर्षे कार्यकाल २०१० को अगस्ट १८ तारिख समाप्त हुनेछ । तसर्थ समितिले आयोजना गर्न लागेको यो ऐतीहासिक प्रथम अधिबेशन हुनेछ । उक्त कार्यक्रम बिहान १० बजे शुभारम्भ भई बेलुकी ५ बजे समापन गरिने छ ।
कार्यक्रममा सम्पूर्ण भोजपुर बासी दाजु भाई दिदिभहिनीहरु लगाएत बेलायतका बिभिन्न नेपाली संघ सस्थाका प्रमुखहरुलाई आमन्त्रण गर्ने निर्णय गरिएको छ । बैठकको अन्त्यमा समितिका सचिव श्री दया कृष्ण राईले समितिको कार्य प्रतिबेदन तथा कोषध्यक्ष श्रीमती निलम राईले आर्थिक प्रतिबेदन को प्रस्ताबिक प्रतिबेदन पेस गर्दै बैठकको समापन भयो ।
-चक्रबहादुर राई आस्फोर्ड केन्ट